Avstriya hökuməti sanksiyalar çərçivəsində indiyə qədər 2 milyard avro dəyərində Rusiya aktivlərini dondurub.
Bu barədə Avstriyanın maliyyə naziri Maqnus Brunner “Twitter“də yazıb.
Nazirin sözlərinə görə, Rusiyaya qarşı sanksiyaların effektiv tətbiqi Avstriya, Avropa və ABŞ-ın maraqlarına uyğundur.
“Biz Qərbin təcavüzkara qarşı sanksiyalarını dəstəkləyirik və ötən ilin fevralında Ukraynaya qarşı müharibə başlayandan etibarən Rusiyaya qarşı tətbiq olunan sanksiyalar çərçivəsində Avstriya təxminən 2 milyard avro dəyərində maliyyə aktivlərini dondurub”, – Brunner deyib.
