Təxminən 4-5 il əvvəl Bankların istehlak kreditləri arasında ən çox tələbat olunanlardan biri avtomobil kreditləri idi. Devalvasiyalardan öncə manatın dollara qarşı olan məzənnəsinin yüksək olması avtomobillərin qiymətinə təsir edir və yeni avtomobillərə tələbatı artırırdı. Paralel olaraq da Banklar tərəfindən avtomobil kreditləri üzrə cazib şərtlər təklif edilirdi. Belə ki, 20-30% arası ilkin ödənişlə əksər Banklardan avtomobil krediti əldə etmək mümkün idi. İllik faiz dərəcəsi isə 15-18% arası dəyişirdi. Hətta bəzi Banklar tərəfindən satışların artırılması məqsədilə mütəmadi kampaniyalar keçirilir, sığorta komissiya və s.bank xərcləri müştərilərə hədiyyə edilirdi.
Lakin devalvasiyalar çox şeyi dəyişdi. Xaricdən valyuta ilə alınan yeni avtomobillərin qiyməti demək olar ki 2 dəfədən çox bahalaşdı. Paralel olaraq ölkədə avtomobil kreditlərinin satışlarına mənfi təsir göstərən bəzi qərarlar qəbul edildi. Bu qərarlara misal olaraq minimum 50% ilkin ödəniş tələbinin tətbiq edilməsi, avtomobil krediti əldə edən şəxsin rəsmi gəliri olması tələbi və s. misal göstərə bilərik. Qısacası devalvasiyanın ən çox “vurduğu” kredit məhsullarının başında avto kredit gəlir desək yəqin ki çoxları bizimlə razılaşar.
Hal-hazırda avtomobil almaq istəyən şəxslər ən çox lizinq şirkətlərinə müraciət edirlər. Səbəb isə bu şirkətlərdə ilkin ödəniş tələbinin daha aşağı olması və kreditlərin uzunmüddətli rəsmiləşməsidir.
Bəs Banklarımızda indi vəziyyət necədir? Banklar avto kredit verirmi? Şərtlər cazibdirmi? Hansı Bankın şərtləri daha uyğundur? Banker.az monitorinq qrupu bu məqaləsində bütün bu suallara cavab tapmağa çalışıb. Aşağıda cari tarixə olan bazar araşdırması Siz oxuculara təqdim edilir.
| Bank | İlkin ödəniş | Müddət | İllik faiz | Komissiya | Hansı avtomobillər kreditləşir? |
| Amrahbank | Yeni avtomobillər (avtomobilin dəyərindən asılı olaraq)
30 000 AZN-dək olarsa – 50% 30 000 AZN-dən çox olarsa – 40% İşlənmiş avtomobillər – 80% |
36 ayadək | 6 – 12 ay – 21%
13 – 24 ay – 22% 25 – 36 ay – 23% İşlənmiş avtomobillər üzrə + 2% |
1% | – Toyota, Mercedes, Lexus – 2010-cu ildən başlayaraq
– Kia, Hyundai, Nissan, İnfinity, BMW, Audi, Volkswagen – son 6 ilin avtomobili – Sport avtomobillər maliyyələşmir |
| Atabank | Yeni avtomobillər (avtomobilin dəyərindən asılı olaraq)
30 000 AZN-dək olarsa – 50% 30 000 AZN-dən çox olarsa – 40% İşlənmiş avtomobillər – 80% |
48 ayadək | Yeni avtomobillər
12 ayadək – 20% 24 ayadək – 22% 36 ayadək – 24% 48 ayadək – 26% İşlənmiş avtomobillər 12 ayadək – 21% 24 ayadək – 23% 36 ayadək – 25% |
1% |
|
| Bank Respublika | Yeni avtomobillər (avtomobilin dəyərindən asılı olaraq)
30 000 AZN-dək olarsa – 50% 30 000 AZN-dən çox olarsa – 40% |
36 ayadək | 12 ayadək – 18%
24 ayadək – 21% 36 ayadək – 22% |
1% | “Group Motors” şirkətləri tərəfindən satılan (Honda, Mazda, Subaru, Mitsubishi,Toyota ) və istehsal tarixi 1 ildən az müddət keçən avtomobillər. |
| NBC Bank | Yeni avtomobillər (avtomobilin dəyərindən asılı olaraq)
30 000 AZN-dək olarsa – 50% 30 000 AZN-dən çox olarsa – 40% İşlənmiş avtomobillər – 80% |
60 ayadək | 36 ayadək – 18%
48 ayadək – 19% 60 ayadək – 20% |
3% | “Nurgun Motors” şirkətləri tərəfindən satılan Nissan, İnfiniti, Ford, Renault markalı olan avtomobillər. |
| Rabitəbank | Yeni avtomobillər (avtomobilin dəyərindən asılı olaraq)
30 000 AZN-dək olarsa – 50% 30 000 AZN-dən çox olarsa – 40% |
36 ayadək | 12 ayadək – 16%
24 ayadək – 18% 36 ayadək – 19% |
1% | Yalnız istehsal tarixindən 1 il keçməmiş yeni avtomobillər kreditləşir.
Kreditləşməsi mümkün olmayan avtomobillər: 1) Bütün növ idman avtomobilləri (iki qapılı) 2) Bütün növ limuzin tipli avtomobillər 3) Hummer, Bentley, AzSamand, Citroen, Saab, Volvo, Ssang Yong, Peugeot, Jaguar, Renault, Mercedes A class, Audi TT, Cherry markalı avtomobillər. |
| Turanbank | Yeni avtomobillər (avtomobilin dəyərindən asılı olaraq)
30 000 AZN-dək olarsa – 50% 30 000 AZN-dən çox olarsa – 40% İşlənmiş avtomobillər – 80% |
36 ayadək | 12 ayadək – 18%
24 ayadək – 19% 36 ayadək – 20% İşlənmiş avtomobillər üzrə + 1% |
1% | 1. “Mercedes” markalı avtomobillər (A və B modelləri istisna olmaqla) – 2004-ci ildən başlayaraq istehsal olunmuş avtomobillər.
2. “BMW” markalı avtomobillər (yalnız 5 seriyalı model) – 2006-ci ildən başlayaraq istehsal olunmuş avtomobillər. 3. “Toyota” markalı avtomobillər (Prado, Land Cruiser modelləri) – 2007-ci ildən başlayaraq istehsal olunmuş avtomobillər. 4. “Mitsubişi Pajero” markalı avtomobillər – 2007-ci ildən başlayaraq istehsal olunmuş avtomobillər. 5. “Lexus” markalı avtomobillər (LX, GX və RX modelləri) – 2007-ci ildən başlayaraq istehsal olunmuş avtomobillər. Kreditləşəcək avtomobillərin yürüşü maksimum 100 000 km olmalıdır. 6. “Hyundai” markalı minik avtomobilləri – 2010-cu ildən başlayaraq istehsal olunmuş avtomobillər. 7. “Kia” markalı minik avtomobilləri – 2010-cu ildən başlayaraq istehsal olunmuş avtomobillər. “Hyundai” və “Kia” markalı minik avtomobilləri üzrə kreditləşəcək avtomobillərin yürüşü maksimum 60 000 km ola bilər. |
| Yapıkredi Bank | Yeni avtomobillər (avtomobilin dəyərindən asılı olaraq)
30 000 AZN-dək olarsa – 50% 30 000 AZN-dən çox olarsa – 40% İşlənmiş avtomobillər – 80% |
36 ayadək | Yeni müştərilər – 19%
Təkrar müştərilər – 18% |
1.5% | Yalnız istehsal tarixindən 1 il keçməmiş yeni avtomobillər kreditləşir. |
