Avropa Yenidənqurma və İnkişaf Bankı indiyə kimi Azərbaycana 157 layihə üzrə 3.6 milyard dollar kredit ayırıb.
Bunu Avropa Yenidənqurma və İnkişaf Bankının (AYİB-EBRD) Azərbaycandakı daimi nümayəndəliyinin rəhbəri Kamola Mahmudova deyib. Bildirib ki, ayrılan kreditlərin 54%-i özəl sektorla bağlı olub.
K. Mahmudova qeyd edib ki, 2022-ci il AYİB üçün Azərbaycanda ilklər ili olub: “O cümlədən, dairəvi iqtisadiyyat və yaşıl iqtisadiyyatla bağlı bir sıra layihələr icra edilib. “IT Hub Azerbaijan” layihəsi isə Bakıdan kənarda Azərbaycanın regionlarında yeni iş fürsətləri yaradacaq və regionlara investisiya cəlbinə dəstək olacaq”.
