“Finoko” ASC bank olmayan kredit təşkilatı (BOKT) “Union Kredit” MMC BOKT-u alıb.
Məlumatı “Finoko”nun İdarə Heyətinin sədr müavini Böyükağa Məmmədov verib.
Onun sözlərinə görə, bununla bağlı alqı-satqı bu il sentyabrın 13-də olub. “Finoko” rəsmisi sövdələşmənin dəyərini açıqlamayıb.
Xatırladaq ki, “Finoko” 2014-cü ildə yaradılıb. Onun nizamnamə kapitalı 1 mln. manatdır. BOKT-un səhmlərinin 50%-i Elçin Rəşid oğlu Əliyevə (Müşahidə Şurasının sədri), 50%-i isə Elmar Rəşid oğlu Əliyevə (Müşahidə Şurasının üzvü) məxsusdur.
“Union Kredit” isə 2011-ci ildə yaradılıb. Onun nizamnamə kapitalı 451,8 min manatdır.
