Azərbaycanda neft məhsullarının istehsalı sahəsində istehsalın ümumi dəyəri 2023-cü ilin birinci rübünə 1 milyard 70 milyon manat olmaqla, əvvəlki ilin müvafiq dövrü ilə müqayisədə 0.5 faiz artıb.
Banker.az bu barədə Dövlət Statistika Komitəsinə istinadən xəbər verir.
Neft məhsullarının istehsalında sürtkü yağlarının istehsalı 31.6 faiz, neft koksunun istehsalı 17.8 faiz, avtomobil benzininin istehsalı 6,2 faiz artımla 349.5 min ton, qazoylların (dizel yanacağının) istehsalı 5.2 faiz artımla 556.5 min ton olub.
Ağ neft istehsalı 2.3 faiz azalma ilə 136.5 min ton, neft bitumu istehsalı 44,9 faiz azalma ilə 39.6 min ton və mazut istehsalı isə 91 faiz azalma ilə 3.1 min ton olub.
| Məhsul növləri | 2023-cü ilin yanvar-mart aylarında
istehsal edilmişdir |
Əvvəlki ilin müvafiq dövrünə nisbətən, faizlə | 01.04.2023-cü il vəziyyətinə hazır məhsul ehtiyatı |
| Avtomobil benzini, min ton | 349,5 | 106,2 | 26,0 |
| Ağ neft, min ton | 136,5 | 97,7 | 32,8 |
| Qazoyllar (dizel yanacağı),
min ton |
556,5 | 105,2 | 105,2 |
| Mazut, min ton | 3,1 | 9,0 | 12,4 |
| Sürtkü yağları, min ton | 15,4 | 131,6 | 7,3 |
| Maye qazlar, min ton | 70,8 | 99,2 | 2,3 |
| Neft koksu; neft bitumu və neft məhsullarının digər qrupları, min ton | 276,3 | 86,0 | 57,4 |
| ondan: | |||
| neft bitumu, min ton | 39,6 | 55,1 | 15,5 |
| neft koksu, min ton | 64,1 | 117,8 | 40,9 |
