Azərbaycan Beynəlxalq Bankı (ABB) fəaliyyət hesabatını Milli Məclisin müzakirəsinə çıxarmalıdır.
Milli Məclisin plenar iclasında “Azərbaycan Respublikasının 2014-cü il dövlət büdcəsinin icrası haqqında” qanun layihəsinin müzakirəsi zamanı deputat Zahid Oruc bu təkliflə çıxış edib.
Z.Orucun sözlərinə görə, ABB-də dövlətin iştirak payı 51,07 faiz təşkil edir, bankın aktivləri isə 8 milyard manatı keçib: “Məsələn, sərəncamında yalnız 1 milyard manat olan Azərbaycan İqtisadiyyat və Sənaye Nazirliyinin Sahibkarlığa Kömək Milli Fondunun fəaliyyəti büdcə prosesində müzakirə edilir. Fərqin 8 dəfə olmasına baxmayaraq, ABB-nin xərcləri haqqında hesabat parlamentin müzakirəsinə təqdim edilmir. Təklif edirəm ki, bankın fəaliyyət hesabatı hökumətin hesabatına daxil edilsin və ya ABB nümayəndələri iclaslarımızda iştirak etsin”.
Trend
