Azərbaycan Türkmənistandan idxal etdiyi svop təbii qazın həcmini yanvar-sentyabr ayları ərzində 614.15 milyon kub-metrə çatdırıb.
Bu barədə Banker.az-ın əldə etdiyi rəsmi rəqəmlərdə bildirilir.
Bildirilir ki, bu qazın hər min kub metrinin qiyməti aprel ayında ortalama $80 olduğu halda, may və sentyabr aralığında fiks qiymətə $140-a alıb. Beləliklə, Orta Asiya ölkəsinə bunun müqabilində $76.86 milyon ödəyib.
Azərbaycan 2021-ci ilin sonu Aşqabadda İranın üzərində svop qazın Türkmənistandan alınmasını razılaşmışdı və bu ilk olaraq cari ilin aprelində qeydə alınmışdı.
Qeyd edək ki, Azərbaycan xaricə cari ilin ilk 9 ayında 16 mlrd. 552.77 mln. Kub metr həcmində qaz ixrac edib və bunun dəyəri 12 mlrd. 102.52 dollar təşkil edib. İxrac edilmiş hər 1000 kub metrin qiyməti isə $1 193 olub.
| Azərbaycanın Türkmənistandan qaz idxalı | |||
| Aylar | min kub-m | min dollar | Hər min kub metrin qiyməti |
| Aprel 2022 | 151,965.86 | 12,157.27 | 80.00 |
| May 2022 | 74,521.07 | 10,432.95 | 140.00 |
| İyun 2022 | 66,368.80 | 9,291.63 | 140.00 |
| İyul 2022 | 59,341.64 | 8,307.83 | 140.00 |
| Avqust 2022 | 143,608.73 | 20,105.22 | 140.00 |
| Sentyabr 2022 | 118,346.93 | 16,568.57 | 140.00 |
| Cəmi | 614,153.03 | 76,863.47 | 125.15 |
