“Azərbaycan İnvestisiya Şirkəti” ASC iki sənaye məhəllələsinin açılışı üçün hazırlığa başlayır.
AİŞ-in məlumatına əsasən, yaxın zamanda Hacıqabul və Sabirabad sənaye məhəllələrinin açılışı planlaşdırılır.
Bununla əlaqədar, AİŞ sənaye məhəllələrinin açılışı üzrə tədbirlərin təşkili üçün şirkət seçir. Seçim kotirovka sorğusu üsulu ilə keçirilir.
Təkliflər 2019-cu il 4 oktyabr tarixinə qədər qəbul olunur.
Hacıqabul Sənaye Məhəlləsində ağır maşınqayırma, xüsusi vaqonqayırma və kompozit materialları, plastik su qabları və tara, avtomobil, tikinti materiallarının istehsalı, avadanlıqların istehsalı üzrə müəssisələr yaradılacaq.
Sabirabad Sənaye Məhəlləsində yun tədarükü, tikinti materiallarının, orqanik gübrələrin, müxtəlif avadanlıqların əyləc sistemlərinin istehsalı, kənd təsərrüfatı məhsullarının və işlənmiş təkərlərin emalı sahələrində layihələr həyata keçiriləcək.
©İnterfaks-Azərbaycan
