Bu ilin noyabrın 1-nə Azərbaycanda banklardan kənarda nağd pul kütləsi (M0 aqreqatı) 8 693,8 mln. manat təşkil edib.
Azərbaycan Mərkəzi Bankına (AMB) istinadən verilən məlumata görə, bu, oktyabrın 1-i ilə müqayisədə 115,1 mln. manat və ya 1,3% çoxdur. Ötən ilin eyni dövrü ilə müqayisədə isə M0 aqreqatında 1 571,1 mln. manat və yaxud 22% artım qeydə alınıb.
Qeyd edək ki, ölkədə nağd pul kütləsinin maksimal həddi 2014-cü il iyul ayında qeydə alınıb və 10 508,9 mln. manat təşkil edib.
APA