Azərbaycanda BOKT-lar cari ilin birinci yarısını 8,3 milyon manat xalis mənfəətlə başa vurub.
Banker.az bu barədə Azərbaycan Mərkəzi Bankına istinadən xəbər verir.
6 ayda BOKT-ların faiz gəlirləri 33,8 milyon manat, qeyri-faiz gəlirləri 7,6 milyon manat, faiz xərcləri 6,2 milyon manat, qeyri-faiz xərcləri isə 19,4 milyon manat, mənfəət vergi ödəmələri 1,5 milyon manat təşkil edib.
2020-ci ilin iyun ayına BOKT-ların cəmi aktivləri 334,5 milyon manat olub. Aktivlərdən 277 milyon manatı müştərilərə verilmiş kreditlərdir. İyul ayının 1-nə BOKT-ların cəmi öhdəlikləri 195,7 milyon manat, cəmi kapitalı isə 138,8 milyon manat olub.
