Bu ilin yanvar-noyabr aylarında İpoteka və Kredit Zəmanət Fondunun (İKZF) xətti ilə 4 880-dən çox Azərbaycan vətəndaşına 325 milyon manat kredit verilib.
Banker.az xəbər verir ki, bu barədə Fonda istinadən xəbər verir.
Məlumata görə, bu, İKZF-nin fəaliyyətə başladığı 2006-cı ildən etibarən ən yüksək göstəricidir, ötən ilin eyni dövrü ilə müqayisədə 44% çoxdur.
Ümumiyyətlə isə, indiyə qədər Fond 36 mindən çox borcalana 1,969 milyard manat ipoteka krediti verib. Bunun 642 milyon manatı və yaxud 32,6%-i güzəştli şərtlərlə verilib.
Kreditlərin 69%-ni gənclər və gənc ailələr alıb. Regionda verilən kreditlərin payı isə 22% olub.
