Azərbaycanda iqtisadi fəaliyyətindən aslı olaraq 1 saatına düşən gəlir fərqli-fərlqli rəqəmlərlə ifadə olunur.
Banker.az DSK-nin 1 may 2019-cu il tarixinə olan hesabatına istinadən xəbər verir ki, işçinin ortalama payına düşən ən çox gəlir mədənçıxarma sənayesidir. Burada ortalama hər işçiyə 1 saatına 22,22 manat əməkhaqqı düşür. Bu isə ötən ilin müvafiq dövrü ilə müqayisədə 4% artım olması deməkdir.
İkinci yeri isə maliyyə sahəsində çalışan işçilər tutur. Burada ortalama hər işçiyə 1 saatına 10,47 manat gəlir düşür ki, bu ötən il cəmi 9,87 manat idi.
Ötən ilin müvafiq dövrü ilə müqayisədə ən çox saatına düşən gəlirdə artım Daşınmaz əmlak ilə əlaqəli iqtisadi sektorda qeydə alınıb. Bu sektorda 1 saata düşən əməkhaqları 36% artaraq 3,98 manat olub.
