Kənd təsərrüfatı istehsal vasitələrinin satışı və lizinqinə tətbiq edilən güzəştlər artırılıb.
Bu, Prezident İlham Əliyevin fərmanı ilə “Azərbaycan Respublikasının Kənd Təsərrüfatı Nazirliyi yanında Aqrar Kredit və İnkişaf Agentliyinin vəsaitindən istifadə Qaydası”nıda edilən dəyişiklikdə əksini tapıb.
Fərmana əsasən, idxal edilən texnikanın gömrük dəyərinin, yerli istehsal məhsulu olan texnikanın İqtisadiyyat Nazirliyinin müəyyən etdiyi meyarlara uyğun olaraq yerli istehsala aid edilən müasir suvarma sistemlərinə münasibətdə 60 faizi güzəşt tətbiq ediləcək və bu güzəşt məbləği Azərbaycan Respublikasının dövlət büdcəsindən bunun üçün Agentliyə ayrılmış vəsait hesabına müvəkkil kredit təşkilatları vasitəsilə ödəniləcək.
