Azərbaycanda qızıl, gümüş və mis hasilatı ilə məşğul olan Böyük Britaniyanın “Anglo-Asian Mining Plc.” şirkəti 2018-ci ilin IV rübündə səhmdarlara 3,4 mln. ABŞ dolları məbləğində dividend ödəyib.
Banker.az xəbər verir ki, bu barədə şirkətin illik hesabatında deyilir.
Məlumata görə, hər səhm üzrə dividendin məbləği 0,03 dollar təşkil edib.
Qeyd edək ki, 8 oktyabr 2018-ci il tarixinə “Anglo-Asian Mining Plc.”nin dövriyyədə 114 392 024 ədəd səhmi olub. Bunun da 43,44%-i 6 səhmdarın – Reza Vaziri, Governor John Sununu, Limelight industrial developments, Khosrow Zamani, Richard Round, Prof John Monhemius payına düşüb.
Report
