Azərbaycanda toyların monitorinqi 3 qurum tərəfindən aparılır. Bu qurumlar Daxili İşlər Nazirliyi, Qida Təhlükəsizliyi Agentliyi və İqtisadiyyat Nazirliyi yanında Dövlət Vergi Xidmətidir.
Banker.az-ın əldə etdiyi informasiyaya görə, 16-17 oktyabr tarixlərində Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 204 toy şənliyinin monitorinqini həyata keçirib. Monitorinqlər nəticəsində, 76 nəfərə İnzibati Xətalar Məcəlləsinin 211-ci maddəsi (Emidemiya əlehinə rejim, sanitariya-gigiyena və karantin ejimlərinin pozulması) ilə cərimə edilib. Həmçinin 664 nəfər COVİD-19 passportunun olmaması səbəbindən tədbirə buraxılmayıb.
