Bu ilin yanvar-oktyabr ayları ərzində Azərbaycan 6 623.3 milyon ədəd papiros və siqaretlər və 3 948.7 ton fermentləşdirilmiş tütün istehsal edib.
Banker.az bu barədə Dövlət Statistika Komitəsinə istinadən xəbər verir.
2019-cu ilin yanvar-oktyabr aylarında isə Azərbaycan 5 471 milyon ədəd papiros və siqaretlər və 4 026.2 ton fermentləşdirilmiş tütün istehsal edib.
Belə ki, cari ilin ilk 10 ayında ötən ilin eyni dövrü ilə müqayisədə ölkədə papiros və siqaret istehsalı 21% artıb, fermentləşdirilmiş tütün istehsalı isə 2% azalıb.
Onu da qeyd edək ki, Azərbaycanda 2020-ci ilin yanvar-sentyabr aylarında 5 764.6 milyon ədəd papiros və siqaret istehsal edilib. Bu ilin təkcə oktyabr ayında isə ölkədə 858.7 milyon ədəd papiros və siqaret istehsal edilib.