8 C
Baku
Friday, March 29, 2024

“Azərsığorta” fəaliyyət istiqamətlərinin azaldılmasına münasibət bildirib

Milli Məclisin deputatlarının, hakimlərin, Silahlı Qüvvələrin, dövlət təhlükəsizliyi, xarici kəşfiyyat orqanlarının şəxsi heyətinin, kəşfiyyat və əks-kəşfiyyat fəaliyyəti subyektlərinin hərbi qulluqçularının, habelə hərbi xidmət nəzərdə tutulmuş digər dövlət orqanlarında (dövlət orqanlarının strukturuna daxil olan qurumlarda) hərbi xidmətdə olan şəxslərin və toplanışlarda olan hərbi vəzifəlilərin, prokurorların, müstəntiqlərin, ədliyyə, miqrasiya orqanlarında qulluq keçən, təhqiqat aparan, əməliyyat-axtarış fəaliyyətini həyata keçirən, fövqəladə halların nəticələrinin aradan qaldırılmasını, ictimai qaydanın mühafizəsini təmin edən, gömrük işini təşkil edən, xarici ölkələrdə və beynəlxalq təşkilatlarda fəaliyyət göstərən diplomatik nümayəndəliklərdə qulluq edən şəxslərin və mülki müdafiə qüvvələrinin şəxsi heyətinin həyat və sağlamlığının dövlət icbari şəxsi sığortası Dövlət Sığorta Kommersiya Şirkətinin (“Azərsığorta”) topladığı sığorta haqlarında və həyata keçirdiyi sığorta ödənişlərində təxminən 60% paya malikdir.

Bunu açıqlamasında sözügedən sığorta növləri ilə səlahiyyətlərn gələn il yanvarın 1-dən Əmək və Əhalinin Sosial Müdafiəsi Nazirliyinə (ƏƏSMN) keçməsinə münasibət bildirən “Azərsığorta”nın sədr müavini Aftandil Hacıyev bildirib.

Xatırladaq ki, qeyd olunan məsələ Prezident İlham Əliyevin ötən gün imzaladığı “Dövlət icbari şəxsi sığortası sahəsində idarəetmənin təkmilləşdirilməsi ilə bağlı bəzi tədbirlər haqqında” fərmanda öz əksini tapıb. Fərmana əsasən, dövlət icbari şəxsi sığortası sahəsində sığortalıların təqdim etdiyi məlumatlar əsasında sığortaolunanların və sığortalıların uçotunun aparılmasını, sığortalı tərəfindən sığorta haqlarının sığortaçıya ödənilməsinə nəzarəti, sığorta ödənişlərinin dövlət icbari şəxsi sığortası sahəsində qanunla müəyyən edilmiş qaydada və müddətdə verilməsini, sığorta ehtiyatlarının yaradılmasını, artırılmasını, habelə dövlət icbari şəxsi sığortası sahəsində digər işlərin görülməsini ƏƏSMN-in tabeliyindəki Dövlət Sosial Müdafiə Fondu həyata keçirəcək.

A.Hacıyevin sözlərinə görə, son qərarın “Azərsığorta”nın yığımlarını 2 dəfədən çox azaldacağı gözlənilsə də, şirkət könüllü sığorta növləri hesabına itirdiyi vəsaiti bərpa etməyə çalışacaq: “Yəgin ki, həmin məbləği tam olaraq bərpa edə bilməyəcəyik, amma azı yarısını bərpa etməyə çalışacağıq. Bir sözlə, yaşamaq uğrunda mübarizə aparacağıq”.

Xatırladaq ki, “Azərsığorta” 1991-ci ildə yaradılıb, ölkənin bütün şəhər və rayonlarında təmsil olunan yeganə sığorta şirkətidir. Onun nizamnamə kapitalı 9 milyon manatdır.

Dövlət sığortaçısı bu ilin yanvar-mart aylarında təxminən 38 milyon manat sığorta haqqı toplayıb, 28 milyon manat sığorta ödəniş edib. Bunlar ötən ilin eyni dövrü ilə müqayisədə təxminən 7% və 7 dəfə çoxdur. Ödənişlərin kəskin artması ötənilki Vətən Müharibəsi ilə əlaqədar hərbi qulluqçulara verilən sığorta ödənişlərinin kəskin artmasıdır.

MənbəReport
Son xəbərlər
Digər xəbərlər