Azərbaycanda bank kartlarının sayı tarixi rekord yeniləməklə 10 milyonun astanasındadır.
Banker.az xəbər verir ki, bu barədə Azərbaycan Mərkəzi Bankı statistik informasiya yayıb.
1 may 2021-ci il tarixinə ölkədə bank kartlarının sayı 9 milyon 898 min ədədə çatmışdır. Bu son bir ay ərzində 129 min (1.32%), illik isə 1 milyon 829 min ədəd (23%) artmışdır.
Bank kartlarının 3 milyon 514 min ədədi sosial (son ay ərzində artımlar: 1.6%), 2 milyon 606 min ədədi əməkhaqqı (0.3%), 1 milyon 164 min ədədi kredit (1.8%) və 2 milyon 614 min ədədi isə digər (1.7%) kartlar təşkil etmişdir.
Bununla da debet və kredit kartları ilə aparılan əməliyyatların sayı isə 25 milyon 278 min, yaxud 2 milyon 710 min manatlıq həcmi əhatə etmişdir.
