“Azsığorta” ASC-nin İdarə Heyəti sədrinin müavinlərindən biri vəzifəsini tərk etdi, yeni iki müavin təyin edilib.
Banker.az xəbər verir ki, “Azsığorta” ASC-nin İdarə Heyətinin sədr müavini olan Kamran Məmmədov da vəzifəsindən kənarlaşıb.
Qoşqar Şəkərəliyev və Elbrus Fərzəliyev İdarə Heyəti sədrinin müavinləri təyin ediliblər.
Qeyd edək ki, 2021-ci ilin martında Natiq Namazovun istefası ardından, onun müavini olmuş Yusif Soltanova şirkətə sədrlik həvalə edilmişdi.
Banker.az-ın əldə etdiyi digər məlumata görə, sığorta şirkətinin maliyyəsinə nəzarət edən Təftiş Komissiyasının da üzvlərindən biri Kərimov Famil Qalib oğlu istefa verib.
