Qətər, Küveyt və Bəhreynin aviasiya hakimiyyət orqanları 28 fevraldan qüvvədə olan hava məkanında uçuşlara qoyulan qadağanı axşama qədər uzadıb.
Agentliyin həmsöhbəti bildirib: “Bəhreyn, Qətər və Küveyt öz hava məkanlarında uçuşlara qadağanı növbəti dəfə ümumdünya vaxtı ilə saat 16:00-dək uzadıblar (Bakı vaxtı ilə 20:00)”. Bundan əvvəl hava məkanından istifadəyə qadağa Bakı vaxtı ilə saat 08:00-dək qüvvədə idi.
Bununla yanaşı, İran və İraq üzərində hava məkanı da bağlıdır, İsrail hava məkanında isə uçuşlar vaxtaşırı dayandırılır. Birləşmiş Ərəb Əmirlikləri üzərində səma qismən bağlanıb.
Suriya hakimiyyət orqanları isə uçuş məlumatları rayonunun dispetçer xidmətində bildirildiyi kimi, Hələb Beynəlxalq Hava Limanından Türkiyə və Aralıq dənizi istiqamətində uçuşlar üçün üç hava dəhlizi açıb. Ölkənin qalan hava məkanı isə 7 mart şənbə gününədək bağlı qalacaq. Həmin tarixədək Dəməşq Beynəlxalq Hava Limanı da bağlıdır.
