Azərbaycan bankları 2025-ci ilin ilk iki ayında əhaliyə 471.9 mln. nağd ABŞ dolları satdığı halda, onlardan 260.6 mln. dollar alış həyata keçiriblər.
Banker.az bu barədə Mərkəzi Banka istinadən xəbər verir.
Bununla da, bankların əhaliyə nağd ABŞ dolları satışları illik müqayisədə 34% azalıb, əhalidən bu valyuta üzrə alışlar 12% azalıb.
Bununla da, ilin ilk ayında banklar tərəfindən əhali tərəfə 211.32 dolları həcmində valyuta axını olub. 2024-cü ilin analoji dövründə bu rəqəm 488 mln. dollar idi.
Banklar yanvarda əhaliyə 294.2 milyon dollar, fevralda isə 177.7 mln. dollar valyuta satılmışdı. Əhalidən valyuta cəlbi isə müvafiq olaraq 116.1 mln. dollar və 144.4 mln. dollar təşkil edib.
Fevralda əhalidən alışların çoxalması və satışların isə azalması konvertasiya məzənnəsini bir dollara görə 1.7006 manatdan 1.6997 manata endirib.
