2021-ci il ərzində Azərbaycanda ABŞ dollarına olan maraq son iki ayda daha çox yüksəlib.
Banker.az bu barədə Azərbaycan Mərkəzi Bankına istinadən xəbər verir.
Hesabata görə, 2021-ci ilin noyabr və dekabr ayları ərzində müvafiq olaraq 316.82 mln. ABŞ dolları və 421.89 mln. ABŞ dolları banklar tərəfindən əhaliyə satılıb. 2021-ci ilin ortalarında əhalinin dolların alışına marağı nəinki azalmış, hətta yastıq altındakı dolları banklarda manata çevirilirdi.
Beləliklə, 2021-ci il ərzində 2 milyard 095.91 milyon dollarlıq əhaliyə dollar satılıb. Bunun müqabilində əhalidən banklar 1 milyard 353.12 milyon ABŞ dolları alınıb. Bu da o deməkdir ki, 2021-ci ildə 742.79 milyon dollar fərqlə ABŞ valyutası əhalinin “yastıq” altına gedib.
ABŞ dollarının mübadilə əməliyyatlarında satışların xeyli yüksəlməsi səbəbindən 1 dollar 1.7013 manata qədər yüksəlib. Bu da o deməkdir ki, 2020-ci ilin aprelindən bu tərəfə maksimum göstəricidir.
