ABŞ prezidenti Co Bayden NATO sammitindən dərhal sonra Ukraynanı dəstəkləyən və demokratiya dəyərlərini müdafiə edən bəyanatla çıxış edəcək.
Bu barədə Ağ Ev məlumat yayıb. Alyans liderlərinin görüşü iyulun 11-dən 12-dək Vilnüsdə keçirilməlidir.
The Washington Post-un daha əvvəl yazdığı kimi, Bayden Ukraynaya kaset sursatlarının tədarükünü təsdiqləyib. Qəzetin yazdığına görə, söhbət 155 mm-lik haubitsalar üçün M864 artilleriya mərmilərindən gedir. Mərmilərin Pentaqonun ehtiyatlarından götürüləcəyi dəqiqləşdirilir.
