Cümə günü ABŞ rəsmisinin “Reuters” agentliyinə Səudiyyə Krallığının neft hasilatını dərhal artırmasının gözlənilməyəcəyini söyləməsindən sonra, əlavə olaraq ABŞ FED-nin faiz dərəcələrini gözləniləndən daha az aqressiv şəkildə artıra biləcəyinə dair əlavə dəstəkdən sonra neft qiymətləri 2%-dən çox artıb.
Banker.az xəbər verir ki, Brent markalı xam neftin London birjasındakı sentyabr fyuçersi 2.18 dollar, yaxud 2.20% artımla 101.28 dollar/barrel olub. Söhbət Bakı vaxtı ilə 15:10 radələrində olan göstəricidən gedir.
Dünən ABŞ Federal Ehtiyat Sisteminin ən şahin siyasətçiləri bu ayki siyasət iclasında 75 baza bəndlik dərəcə artımına üstünlük verdiklərini söylədi. Bələ görünür ki, cari 9.1%-lik inflyasiya göstəricisi iyun ayının əvvəlinə aid olduğu üçün investorlar bunu daha çox dəyərləndiblər. Yəni, 100 baza bəndi artımını gözləmək tələskənlik ola bilər.
Faiz dərəcəsinin qeyri-müəyyənliyi və zəif iqtisadi məlumatlar Brent və WTI-nin cümə axşamı günü Rusiyanın Ukrayna müharibsəindən bir gün əvvəl, fevralın 23-də bağlanış qiymətindən yaxın qiymətə saldı və 5 dollardan çox ucuzlaşma yaşandı. Hər iki neft fyuçersi ilin sonuna qədər demək olar ki, bütün itkiləri geri qaytarıb.
ABŞ rəsmisinin Səudiyyə Ərəbistanının neft hasilatı ilə bağlı şərhi OPEC üzvlərinin gücü azaldığı, əksər istehsalçıların maksimum gücü işlətdiyi bir vaxta təsadüf edir.
Bu arada ABŞ prezidenti Co Bayden Körfəz müttəfiqlərinin sammitində iştirak etmək üçün Səudiyyə Ərəbistanına səfər edir və regiona daha çox neft hasil etməyə çağıracağı gözlənilir.
İndi analitiklər qlobal iqtisadiyyatla bağlı narahatlıqlardan neftə təzyiqin davam edəcəyini gözləyir. Hara getsə, iqtisadiyyatların daralması, onu hərəkətə gətirən bir enerjiyə tələbi azaldır.
İyun ayında Çinin neft emalı zavodunun məhsuldarlığı bir əvvəlki ilə nisbətən təxminən 10% azalıb, ilin ilk yarısında hasilat ən azı 2011-ci ildən bəri ilk illik azalma ilə 6% azalıb. Bunu Çinin açıqladığı məlumatlar deyir.
