“Bank BTB” ASC-nin Marketinq və məhsulun inkişafı departamentinin direktoru digər banka transfer olub.
Banker.az-ın aldığı məlumata görə, bu, Fuad Cəfərovdur.
O, iyul ayından etibarən, “Azərbaycan Beynəlxalq Bankı”nın Transformasiya ofisinə menecer təyin olunub
Qeyd edək ki, F.Cəfərov əvvəllər “PAŞA Bank” və “Vison Fond AzerKredit BOKT”da çalışıb.
Niderland Krallığında yerləşən Haaqa Universitetində biznesin idarə edilməsi (MBA) üzrə magistr dərəcəsi əldə edib. Müxtəlif illərdə ixtisaslaşmış beynəlxalq sertifikasiya kurslarında təlimlər keçərək strateji marketinq, məhsullarının inkişafı, biznesin inkişafı, strategiyanın hazırlanması və tətbiqi sahələrində bilik və keyfiyyətlərə malikdir.
