“Puta-Əyirici” ATSC-nin qiymətli kağızlarının BFB-də hərracı təxirə salınıb.
Banker.az xəbər verir ki, bu barədə Bakı Fond Birjası məlumat yayır.
Qeyd edilir ki, 9 yanvar 2019-cu il tarixində məhkəmə qərarının icrası ilə əlaqədar PSG Kapital ASC tərəfindən BFB-də kütləvi satışı nəzərdə tutulmuş “Puta-Əyirici” ATSC-nin AZ1001012645 dövlət qeydiyyat nömrəli 560070 ədəd adi adlı səhmləri üzrə hərrac birja üzvünün müraciətinə əsasən təxirə salınmışdır.
Bildirək ki, səhmlərin minimal satış qiyməti 1.00 AZN, ticarətə buraxılan qiymətli kağızlarının sayı 560 070 ədəd idi. Qiymətli kağızların alışı, sifarişlərinin BFB-nin ticarət sistemində qeydiyyatı 2019-cu il yanvarın 9-na planlanmışdı.
