Bizim zəmanəmizə Kalliqulanın hakimiyyət dövrü ilə bağlı çox az sənəd və dəlillər gəlib çıxıb. Roma imperiyasının başında dayandığı ilk iki il haqqında söz düşərkən o xeyirxah və mötədil monarx kimi təsvir olunur, daha sonra isə mənbələr onun haqqında bədxərc, qəddar və seksual pozğun tiran kimi danışırlar.
Son dövrlərdə bu mənbələrin etibarlığı və həqiqətə uyğunluğu günü-gündən daha çox şübhə altına düşür, amma məlumdur ki, öz qısamüddətli hakimiyyət dövründə Kalliqula özünün mütləq hakimiyyətinin genişləndirilməsi ilə bağlı müxtəlif planlar cızırdı. Bir dəfə o, hərbi ekspedisiya ilə La-Manş boğazın yola düşür, ordu sahildəki balıqqulağıları yığmalı idi, sonra onları Romaya gətirirlər. Kalliqula iddia edirdi ki, o okeanı tutub və özü ilə qənimət (trofey) gətirib.
Dövlətin idarə etməsində isə bu təkəbbürlü Roma hökmdarı özü üçün təmtəraqlı sarayların tikintisinə və şöhrətpərəst memarlıq layihələrinə xüsusi ilə önəm verirdi. Beləliklə o iki akvedukun (çay, dərə və s. üzərində körpü şəklində çəkilən su kəməri).tikintisinə başlayır – «Aqua Claudia» və «Anio Novus», bunlar Romanın su təchizatın yaxşılaşmasına xidmət edir. Roma imperatoru qismində Kalliqulanın başlıca nailiyyətlərindən biri isə Mavritaniyanın işğalı, birləşdirilməsidir. Bizim eranın 41-ci ilində Kalliqula ilk qətlə yetirilən hökmdarlardan biri olur.