Azərbaycan Prezidenti İlham Əliyev bu günlərdə Dağlıq Qarabağdan qaçan qaçqınların sayına ilə bağlı Ermənistan tərəfindən növbəti uydurmanın ortalığa atılmasına aydınlıq gətirib. Həftənin cümə günü Ağdamla işğaldan azad edilməsi ilə bağlı çıxışında deyib ki, guya, Dağlıq Qarabağdan 90 min erməni qaçıb, qaçqın olub.
“Yalandır. Dağlıq Qarabağ ərazisində və işğal edilmiş bizim torpaqlarda İkinci Qarabağ müharibəsinə qədər maksimum 60-65 min insan yaşayıb. Biz bunu haradan öyrənmişik? Bizdə operativ məlumat var”.
Azərbaycan Prezidenti AzTV ilə yayımlanan çıxışında deyir ki, bizim [Azərbaycanın] o bölgədə bir çox informasiya mənbələrimiz var və uğurların səbəblərindən biri də məhz bundadır.
“Biz tam dəqiqliklə bilirdik və bilirik indi orada nə baş verir, onların xunta başçısı harada gizlənir. Yəqin o da bilir ki, biz bilirdik. Ona görə burnunu çıxara bilmirdi küçəyə, bunkerdə otururdu. Bizim məlumatımız var, mənbələrimiz var, peyk görüntüləri var. Ona görə mən tam əminliklə deyirəm ki, Dağlıq Qarabağda, o cümlədən işğal edilmiş torpaqlarda maksimum 65 min insan yaşayıb. Yaxşı, belə olan halda 90 min qaçqın haradan gəldi? Yenə saxtakarlıq, yenə yalan. İndi yenə məliyə-məliyə, sürünə-sürənə onun-bunun ətəyindən yapışacaq ki, mənə kömək edin. “Mənə kömək edin” onların ideologiyasının əsas prinsipidir. Bu ideologiya ilə hansı xalq inkişaf edə bilər? Ancaq kimdənsə, nə isə gözləmək, ummaq və ondan sonra küsmək, incimək, tələb irəli sürmək kimə xeyir gətirib bu günə qədər?”
