“Blackstone Group” ABŞ-nin “TXNM Energy Inc.” enerji şirkətini 11.5 milyard dollara satın alır. “Blackstone Infrastructure”nin press-relizində bildirilir ki, şirkət hər “TXNM” səhmi üçün 61.25 dollar ödəyəcək. Məbləğ “TXNM”in borcunu nəzərə alır.
“TXNM” səhmləri bazar ertəsi günü 9.2% artaraq 57.75 dollara yüksəlib. Bu ilin əvvəlindən onların dəyəri 7.6% artıb.
Müqavilə “TXNM”nin direktorlar şurası tərəfindən dəstəklənib, lakin şirkətin səhmdarları və tənzimləyici orqanlarının təsdiqini hələ almayıb. Tərəflər onu 2026-cı ilin ikinci yarısında bağlamağı planlaşdırır.
Qeyd edək ki, “TXNM” Texas və Nyu-Meksikoda 800 000-dən çox ev və biznesi elektrik enerjisi ilə təmin edən kommunal xidmətlər holdinqdir.
