Avropa İttifaqı mərmi istehsalı üçün Çindən Rusiya vasitəsilə metal tədarük etmək istəyir.
Bu barədə “Bloomberg” məlumat yayıb.
Bildirilib ki, müasir silahlarda istifadə edilən mikroçiplərin, elektronikanın və döyüş sursatlarının istehsalı üçün lazım olan nadir metallar Rusiya vasitəsilə Çindən Avropaya daşınır.
Agentliyin fikrincə, Rusiya ərazisindən keçən daşımaların ümumi payı Çin və Aİ arasında ümumi ticarətin 4%-dən çox olmamasına baxmayaraq, Avropaya Rusiya dəmir yollarından istifadə etmək daha sərfəlidir.
Eyni zamanda, metallar dəniz yolu ilə çatdırıla bilərdi, lakin bu üsul çox bahalıdır və çox vaxt aparır.
“Bloomberg” əlavə edib ki, ötən ilin yanvar-sentyabr ayları arasında Çindən Rusiya vasitəsilə Avropaya daşınan metalların həcmi 36 min tona yüksəlib. Bu rəqəm bütün 2021-ci illə müqayisədə iki dəfə çox olub.
Eyni zamanda, agentlikdən müsahibə götürən ekspertlər hər cür sanksiyalara baxmayaraq, belə təchizat zəncirinin hələ də saxlanmasına təəccübləniblər.
