BMT Rusiyadan kənd təsərrüfatı məhsullarının ixracına maneələrin aradan qaldırılması üzərində işləyir.
Bu barədə BMT Baş katibi Antoniu Quterreş İstanbul Birgə Koordinasiya Mərkəzində Türkiyənin müdafiə naziri Hulusi Akarla keçirdiyi mətbuat konfransında bildirib.
Quterreş Ukrayna və Rusiyadan kənd təsərrüfatı məhsullarının Qara dəniz vasitəsilə maneəsiz ixracını təmin etməyi dünya bazarları üçün son dərəcə vacib adlandırıb.
“Ukrayna və Rusiyadan ərzaq və gübrə ixracının artırılması qlobal ərzaq bazarları üçün vacibdir və ərzaq qiymətlərini aşağı salmağa kömək edəcək”, – Baş katib deyib.
