BMT nümayəndələri Rusiyanın “taxıl müqaviləsi”nə qayıtması üçün irəli sürdüyü şərtləri yerinə yetirməyə hazır olduqlarını bəyan ediblər.
Bu barədə Almaniyanın “Bild” nəşri BMT-nin baş katibi Antonio Quterreşin Rusiya xarici işlər naziri Sergey Lavrova yazdığı şəxsi məktubuna istinadən yazır.
Mətnə görə, BMT Rusiyaya ona doğru aşağıdakı addımları təklif edir.
Belə ki, Rusiya gəmilərinin Avropa limanlarında yan almasına icazə verilməsi planlaşdırılır.
Rusiya gəmiləri Azov və Qara dənizlərdə Ukrayna Silahlı Qüvvələrinin hücumlarından sığortalanacaq, bunun üçün Lloydun cəlb edilməsi planlaşdırılır.
Bundan əlavə, Quterreş “Rosselxozbank”a qoyulan məhdudiyyətlərin aradan qaldırılmasına və onun SWIFT sisteminə qaytarılmasına nail olmaq niyyətindədir.
Və nəhayət, BMT Rusiya gübrə biznesinə Qərbdə dondurulmuş aktivlərin geri qaytarılması imkanları ilə bağlı kömək etmək istəyir.
Təşkilatın baş katibi vurğulayır ki, bu mövzuda AK nümayəndələri ilə artıq dialoq aparılıb.
Rusiya gəmilərinin qida və gübrə ilə Avropa limanlarına çıxışını bərpa etmək məqsədi ilə Almaniya, Belçika, İspaniya və Hollandiyanın hakimiyyət orqanları ilə də danışıqlar aparılıb.
Moskvanın Quterreşin mövqeyinə reaksiyası barədə məlumat verilməyib.
