“Şahdəniz” yatağında qazılan axtarış quyusunun qazılması nəticəsində əhəmiyyətli qaz həcmləri aşkarlansa, gələcəkdə yataqda hasilatın təbii azalması nəticəsində yaranan boşluğu doldurmaq daha yüngül olacaq.
Bu barədə BP-nin Azərbaycan, Gürcüstan və Türkiyə üzrə regional prezidenti Qəri Counz 2022-ci ilin nəticələrinə həsr olunmuş tədbirdə jurnalistlərə bildirib.
Onun sözlərinə görə, hazırda konkret həcmlər barədə danışmaq olmaz, bu, axtarış quyusunun qazılmasının nəticələri bəlli olacaq. Qəri Counz onu da əlavə edib ki, əhəmiyyətli qaz ehtiyatlarının aşkarlandığı halda, mövcud olan infrastruktur bu həcmləri daha ucuz hasil etməyə imkan verəcək.
