Britaniya funtu dollar qarşısında 0.7% ucuzlaşaraq 1 funt sterlinq üçün 1.23 dollara düşüb. Bu, Britaniya milli valyutası üçün 2023-cü ilin noyabrından bəri ən aşağı səviyyədir. “Bloomberg”in qeyd etdiyi kimi, funt sterlinqin ucuzlaşması Böyük Britaniyanın maliyyə və inflyasiya proqnozu ilə bağlı investorların narahatlığını əks etdirir.
Bu narahatlıqlar Böyük Britaniyanın 30 illik dövlət istiqrazlarının gəlirliliyini 1998-ci ildən bəri, 10 illik istiqrazların gəlirliliyini isə 2008-ci ildən bəri ən yüksək səviyyəsinə çatdırıb.
Bu vəziyyət bazar iştirakçılarının narahatlığına səbəb olur. Tipik olaraq, artan istiqraz gəlirləri onların ifadə olunduğu valyutaların cəlbediciliyini artırır. Odur ki, məzənnənin aşağı düşməsi kapital axınının əlamətlərini göstərir.
