Bank “BTB” ASC-nin səhmdarları ayın sonu yığıncaq keçirir.
Bu barədə Banker.az-a daxil olan məlumatda deyilir.
Məlumata görə, bank səhmdarlarının illik ümumi yığıncağı 31 may 2022-ci il tarixində saat 11:00-da Bankın Bakı şəhəri, Xətai rayonu, Yusif Səfərov, 27 ünvanında yerləşən Baş ofisində keçiriləcək.
“Səhmdarlar yığıncağın gündəliyi ilə Bankın Baş ofisində tanış ola bilərlər”- deyə açıqlamada qeyd edilib.
Xatırladaq ki, “Bank BTB” 2010-cu ildə yaradılıb. Onun nizamnamə kapitalı 66,45 milyon manatdır. Bankın səhmlərinin 74.99 %-i Nigar Mehdiyevaya, 19.01 %-i Rza Sadiqə (Müşahidə Şurasının sədri), 6 %-i isə Tükəzban Mahmudovaya məxsusdur.
