23 C
Baku
Thursday, August 11, 2022

Bu banka borcu olduğu üçün özünü yandırdı

Banker.azın bu gün verdiyi xəbərə görə, kredit borcuna görə müştəri bankın filialı qarşısında özünü yandırmışdır. 

Banker.azın aznews saytına istinadən verdiyi xəbərə görə , bu hadisə “Azadlıq Prospekti” metrostansiyası yaxınlığında, 8-ci mkr. S.S.Axundov küçəsində baş verib. “Muğanbank”a borclu olan Naxçıvan Muxtar Respublikasının Şərur rayonu, Səməd Vurğun küçəsində yaşayan 1981-ci il təvəllüdlü Malik Abbas oğlu Hüseynov pulu ödəyə bilmədiyi üçün bankın Binəqədi filialının qarşısına gələrək, üstünə benzin töküb və yandırıb.

Dərhal əraziyə təcili tibbi yardım avtomobili və hüquq mühafizə orqanlarının əməkdaşları gəlib. Malik Hüseynov əraziyə çağırılan təcili yardım maşını vasitəsilə Respublika Yanıq Mərkəzinə aparılıb.
Xəstəxanada yaralıya yuxarı ətraf və nəfəs yollarının 3-4-cü dərəcəli yanığı diaqnozu qoyulub. Hazırda o, reanimasiya şöbəsindədir. Vəziyyəti ağırdır.
Məlumata görə, intihara cəhd edən 30-35 yaşlı kişi bankdan pul götürərək maşın alıb. Pulu ödəyə bilmədiyi üçün avtomobil bankın təqdimatı ilə polis tərəfindən həmin şəxsdən müsadirə olunub. Maşını əlindən alınan borclu da çıxış yolunu özünü yandırmaqda tapıb.

 

 

Son xəbərlər
Oxşar xəbərlər