Ümumi (9 illik) orta təhsil bazasında orta ixtisas təhsili müəssisələrinə ərizələrin qəbulu 2022-ci il 25 aprel saat 23:59-da başa çatacaq.
Bu barədə Dövlət İmtahan Mərkəzindən xəbər verilib.
Abituriyentlər ekabinet.dim.gov.az internet səhifəsində “Şəxsi kabinet” yaratdıqdan sonra şəxsi kabinetinin istifadəçi adı və parolundan istifadə etməklə Dövlət İmtahan Mərkəzinin müvafiq internet səhifəsinə daxil olub, “Abituriyentin elektron ərizəsi” formasını doldurur və ərizəni təsdiq edirlər.
25 aprel saat 10:00-a olan məlumata əsasən 35830 (Azərbaycan bölməsi – 34848; rus bölməsi – 982) abituriyent ərizəsini təsdiq edib.
