Yanvarın 22-də “LUKOIL” SOCAR ilə Azərbaycanda 2 dəniz blokuna dair saziş imzalamağı planlaşdırır.
“Biz bir sıra layihələri müzakirə edirik. Bu, “Naxçıvan” bloku və Abşeronun şimalında keçid zonası adlanan dəniz blokudur. Hər halda geoloqlarımız onları perspektivli hesab edirlər”, – “LUKOIL”un prezidenti Vahid Ələkbərov Davosda jurnalistlərə məlumat verib.
“İndi SOCAR ilə tədqiq edilməyə dair danışıqlar aparacağıq. Yəqin ki, bu gün forum çərçivəsində saziş imzalayacağıq”, – o əlavə edib.
Xəbər verildiyi kimi, dünən Azərbaycan prezidenti İlham Əliyev və Vahid Ələkbərov Davosda “Naxçıvan”, “Qoşadaş” yataqlarının “LUKOIL” şirkəti ilə birgə işlənilməsi məsələsini müzakirə ediblər.
©İnterfaks-Azərbaycan
