İsrail hökuməti ölkədə koronavirusa yoluxma səviyyəsinin müsbətə doğru dəyişməsi səbəbindən iyunun 1-dən, demək olar ki, bütün karantin məhdudiyyətlərini ləğv edib.
Bu barədə Səhiyyə Nazirliyinin nümayəndəsi yerli “Kan” radiosuna açıqlamsında bildirib.
Lakin buna baxmayaraq, qapalı yerlərdə məcburi maskalardan istifadə qüvvədə saxlanılıb. Eyni zamanda ölkə vətəndaşlarının yoluxmanın yüksək olduğu ölkələrə səyahət etməsi ilə bağlı qadağa da götürülməyib.
