Dünyanın yaşadığı bu çətin zamanda Türk Dünyasının önəmi daha da artıb.
Bu barədə Türkiyə xarici işlər naziri Mövlud Çavuşoğlu Türk Dövlətləri Təşkilatının Xarici İşlər Nazirləri Şurasının növbədənkənar iclasında çıxışı zamanı deyib.
“Bölgəmizi stabilliyik adasına çevirmək və millətimizin rifahını artırmaq üçün birliyimizin gücləndirilməsi lazımdır. Bunun yolu isə doğru zamanda doğru addımı atmaqdır… Liderlərimiz birliyimizi gücləndirəcək bir mövqe ortaya qoyaraq zamanın ruhuna uyğun bir addım atıblar”, – deyə o bildirib.
