“Nikkei” tərəfindən sorğuya qatılan iqtisadçılar gələn il Çin iqtisadi artımının yavaşlayacağını proqnozlaşdırırlar. Beləliklə, orta hesabla 25 ekspertdən ibarət qrup Çinin 2024-cü ildə ÜDM artımını 2023-cü ilin sonunda gözlənilən 5.2%-ə qarşı 4.6% olacağını proqnozlaşdırıb.
Hazırkı proqnoz, analitiklərin gələn il Çin iqtisadiyyatının 4.5% artacağını gözlədikləri sentyabr ayından daha yüksəkdir. İndi sorğuda iştirak edən ekspertlərin böyük əksəriyyəti əmindir ki, hakimiyyət orqanları 2024-cü ilin sonuna kimi ÜDM-in 5%-lik hədəf artımına yaxınlaşa biləcəklər.
Nikkei qeyd etdiyi kimi, problemlərə baxmayaraq, Çin iqtisadiyyatı aşağı baza effektinə görə yaxşı inkişaf nümayiş etdirir, çünki ölkə keçən ilin əksər hissəsində COVID-19 ilə bağlı ciddi karantin tədbirlərinə məruz qalıb.
Daşınmaz əmlak sektorundakı böhrandan narahat olan ekspertlərin fikrincə, çətin ki, iqtisadiyyat eyni artım tempini nümayiş etdirə bilsin. Digər risklər arasında “Nikkei”nin müsahibə verdiyi ekspertlər istehlakçı inamının aşağı səviyyəsini və iqtisadi artımı stimullaşdırmaq üçün hakimiyyət tərəfindən görülən tədbirlərin qeyri-adekvatlığını və ya səmərəsizliyini qeyd edirlər.
