Çinin “Industrial and Commercial Bank of China” (ICBC), “China Construction Bank” (CCB) və “Bank of China” bankları Rusiya sanksiyalarına məruz qalan maliyyə təşkilatlarından ödənişləri qəbul etməyi dayandırıb, Banker.az bu barədə RBC-ya istinadən xəbər verir.
Qeyd edək ki, bu banklar Çində aktivlərinə görə birinci, ikinci və dördüncü yerləri tutur. Rusiya bankları ilə sanksiyalara məruz qalmayan əməliyyatlar hələ də davam edir.
ABŞ-Çin ticarət balansı Rusiya və Çin arasındakı ticarət balansından xeyli yüksəkdir və buna görə də banklar və dövlət korporasiyaları riskli əməliyyatlardan imtina edir. Çin ilə ödənişlər edərkən ən böyük çətinliklər SWIFT sistemi ilədir. Buna baxmayaraq, bir sıra iri Rusiya bankları Çində öz nümayəndəliklərini açıb ki, bu da ödənişlərin göndərilməsini xeyli asanlaşdırır.
“VTB” təsdiqləyir: Şanxay filialı vasitəsilə hesablaşmaların şərtlərində heç bir dəyişiklik yoxdur – yerli qanunvericilik baxımından Şanxaydakı “VTB” müstəqil Çin bankıdır və iki ölkə arasında hər iki valyutada ödənişlər həyata keçirir.
Daha əvvəl, fevralın əvvəlində Çinin “Chouzhou Commercial” bankı Rusiya və Belarusla hesablaşmaları dayandırıb.
