Federal Ehtiyat Sistemi (FED) rəsmiləri son günlər Tramp administrasiyasının siyasətinin aydınlaşmasını gözləməyin faiz dərəcələrinin yenidən azaldılması barədə qərara nə dərəcədə təsir edəcəyi barədə fərqli fikirlər səsləndiriblər.
Banker.az “Wall Street Journal”a istinadən xəbər verir ki, hazırda treyderlər Fed-in iyun iclasına qədər faiz dərəcəsinin yenidən azaldılması ehtimalını cəmi 14% qiymətləndirirlər.
“Citi” bankın iqtisadçıları isə hesab edirlər ki, may ayına qədər qeyri-müəyyənliklərin əksəriyyəti həll oluna bilər.
Konqresdə maliyyə qanunvericiliyi təsdiqlənməsə belə, ən azı dəqiqləşdiriləcəyi, eləcə də Trampın tarif planlarının aprel ayının əvvəlində qüvvəyə minəcəyi gözlənilir.
“Siyasətlə bağlı qeyri-müəyyənlik heç vaxt tam həll olunmasa da, may və ya iyun aylarında əsas inflyasiya azalmağa davam edərsə, FED-in faiz endirimlərinə yenidən başlamaq üçün kifayət qədər aydınlıq ola bilər”, – deyə “Citi” bankdan bildirilir.
