Bir ildir təsis edilən “Level Leasing” ASC hər bir səhmin 0.5 manat dəyəri olan 100 000 ədəd səhm buraxır.
Banker.az xəbər verir ki, şirkət 2023-cü ilin mayında 1 mln. manat nizamnamə kapitalı ilə təsis edilib.
Onun direktoru Xıdırlı Fəhmin İlqar oğludur.
Lizinq şirkəti 2023-cü il üzrə hesabatında 422 min manat xalis mənfəət əldə edib. 1 yanvar 2024-cü il tarixinə 8 milyon 767 min manat aktivlərə, 7 milyon 334 min manat öhdəliklərə və 1 milyon 422 min manat xalis aktivlərə (cəmi kapitala) sahibdir.
Şirkətin 1 milyonluq nizamnamə kapitalının 52%-i Mənzər Qarayeva İsrail qızına, 19%-i Elmira Rzayeva Xəlil qızına, 19%-i Solmaz Quliyeva Hüseyn qızına və 10%-i isə Rəqsanə Məmmədova Abdulla qızına aiddir.
