-1 C
Baku
Thursday, February 9, 2023

“Deutsche Bank” Rusiyanın iri banklarının hesablarını bağlayıb

Almaniyanın “Deutsche Bankı” onunla avroda müxbir hesab açmış bir sıra Rusiya bankları ilə əlaqələri dayandırıb. Banker.az bu barədə “RBC”ya istinadən xəbər verir.

Qeyd edək ki, “Deutsche Bank” hələ 2022-ci ilin mart ayının ortalarında Rusiya banklarına aprelin 8-də hesabların bağlanması barədə bildiriş göndərib. Eyni zamanda bank Rusiyanın Ukraynadakı hərəkətlərini pisləyib və ölkəni tərk etməyə, o cümlədən yeni layihələrə başlamamağa qərar verib.

Avstriyanın “Raiffeisenbank International” (RBI) bank qrupu da aprel ayında bir sıra Rusiya banklarının müxbir hesablarını bağlamaq qərarına gəlib. Finlandiyanın “Nordea” bankının sözçüsü bildirib ki, mövcud sanksiyalar rejimi və mövcud məhdudiyyətlər səbəbindən Rusiyaya və Rusiyadan ödənişlərin emalı dayandırılıb.

Müxbir hesablar nə üçün lazımdır?

Xarici bankların avro ilə müxbir hesablarının bağlanmasının əsas səbəbi, ilk növbədə, Rusiya bank sektoruna xarici təzyiqlərin davam etməsi, həmçinin ikinci dərəcəli sanksiyalara məruz qalmaq qorxusudur.

Xarici kredit təşkilatları sanksiyalar tətbiq edilən və müxbir hesabı açıq bankların müştəriləri ola biləcək qeyri-kredit təşkilatlarının ödənişləri və pul köçürmələri ilə məşğul olmaqdan qorxurlar, ona görə də bağlanırlar.

Həmçinin, sanksiyalardan asılı olmayaraq, xarici banklar öz yurisdiksiyalarına kapital çıxarmaq üçün infrastrukturlarından istifadə etmək ehtimalını minimuma endirirlər.

Son xəbərlər
Digər xəbərlər
X