ABŞ dolları bazar ertəsi iyunun əvvəlindən bəri ən aşağı səviyyəyə enib. Banker.az xəbər verir ki, buna səbəb ABŞ-da faiz dərəcələrinin artırılması ilə bağlı gözləntilərin zəifləməsi və son iqtisadi göstəricilərin daha yumşaq olmasıdır.
Bunun fonunda avro son iki ayın maksimumuna yüksəlib, yen isə 0,2% möhkəmlənərək 1 dollar üçün 159,04 yenə çatıb.
Dollar indeksi əsas valyutalar səbətinə qarşı iyunun əvvəlindən bəri ən aşağı səviyyəyə enib. Avro 0,3% bahalaşaraq 1,1614 dollara çatıb. Valyuta bazarında diqqət gələn həftə keçiriləcək Federal Ehtiyat Sisteminin (FED) Cekson-Houl simpoziumuna yönəlib. İnvestorlar FED rəsmilərinin son iqtisadi göstəricilər və faiz siyasəti ilə bağlı mesajlarını gözləyirlər.
Son məlumatlar pərakəndə satışların zəiflədiyini və inflyasiyanın mülayim qaldığını göstərib. Bu, treyderlərin FED-in sentyabrda faiz dərəcəsini artıracağına dair gözləntilərini azaldıb. CME FedWatch məlumatına görə, sentyabrda faiz artımı ehtimalı bir həftə əvvəlki 52,2%-dən 30,8%-ə düşüb.
Yaponiyada iqtisadiyyatın aprel-iyun rübündə illik ifadədə 1,1% böyüməsi gözləntilərdən zəif olub. Çində isə iyulda sənaye istehsalının artımı yavaşlayıb, pərakəndə satışlar proqnozlardan aşağı olub.
Offşor bazarda dollar yuan qarşısında 0,11% ucuzlaşaraq 6,7372 yuana enib. Bu, 2023-cü ildən bəri ən aşağı göstəricidir.
