Dolların dünya valyuta ehtiyatlarında payı üçüncü rübün sonunda demək olar ki, son üç onilliyin ən aşağı səviyyəsinə çatıb. Bu barədə Beynəlxalq Valyuta Fondunun (BVF) hesabatında deyilir.
Qeyd olunur ki, iyul-sentyabr aylarında Amerika valyutasının payı 0.85 faiz bəndi azalaraq 57.4% təşkil edib ki, bu da 1995-ci ildən bəri ən aşağı göstəricidir. BVF əvvəlki illərin statistikasını təqdim etmir.
Dolların payının azalmasının əsas səbəbi avro ilə investisiyaların artması olub. Üçüncü rübdə onun payı ikinci rübdəki 19.75%-dən 20.02%-ə yüksəlib. Yapon valyutası üçün bu göstərici 2021-ci ilin mart ayının sonundan bəri ən yüksək olub.
Dollarla yanaşı İsveçrə frankı da ucuzlaşma nümayiş etdirib: onun payı 2021-ci ildəki 0.2%-dən ən aşağı səviyyəyə – 0.17%-ə düşüb.
Eyni zamanda, BVF yuanın payında ardıcıl doqquz rüb davam edən enişin dayandırılmasını qeyd edib: bu ilin üçüncü rübündə o, 2.17%-ə yüksəlib.
