4 C
Baku
Friday, March 29, 2024

Donald Tramp Türkiyəyə qarşı tətbiq olunan sanksiyaları ləğv etdi

ABŞ prezidenti Donald Tramp, çərşənbə günü Türkiyəyə qarşı tətbiq olunan sanksiyaların ləğv olunduğunu elan edib.

Banker.az xəbər verir ki, “Bizi qane etməyən bir şey baş verməyənə qədər sanksiyalar ləğv edilir”, – deyə Tramp Ağ Evdə keçirilən brifinqdə bildirib.

Xatırladaq ki, daha əvvəl Tramp Suriyada hərbi əməliyyatlara başlaması səbəbiylə Türkiyə iqtisadiyyatına böyük zərbə endirəcəyini vəd etmişdir.

ABŞ-ın Maliyyə Nazirliyi, Türkiyə dövləti ilə əlaqəli olan səlahiyyətlilərə, təşkilatlara və ya şəxslərə qarşı sanksiyalar hazırlamışdı.

Oktyabrın 23-də Rusiya prezidenti Vladimir Putin və Türkiyə prezidenti Rəcəb Tayyib Ərdoğan arasında danışıqlar keçirilmişdir. Tərəflər arasında Suriya məsələsinin tənzimlənməsinə dair memorandum imzalanıb.

Memoranduma görə, 2019-cu ilin oktyabrın 23-dən başlayaraq Suriya-Türkiyə sərhədinə Rusiya qoşunları yerləşdiriləcək, bununla da kürd birləşmələrinin və silahlarının geri çəkilməsi işi asanlaşacaq. 

Son xəbərlər
Digər xəbərlər