Azərbaycan Respublikası Dövlət Neft Fondu (ARDNF) 2025-ci ilin ilk rübündəki valyuta hərraclarında yerli banklara satdığı valyutanın həcmini açıqlayıb.
Banker.az xəbər verir ki, bu barədə ARDNF məlumat yayıb.
Banker.az xəbər verir ki, suveren fond tərəfindən 2025-ci ilin yanvar-mart ayları ərzində Azərbaycan Respublikası Mərkəzi Bankının iştirakı ilə həyata keçirilən hərraclarda 2 milyard 420.6 milyon ABŞ dolları məbləğində vəsait satılıb.
Ötən ilin eyni dövründə yerli banklara 1 mlrd. 835.8 mln. dollar satdığını nəzərə alsaq, bu illik müqayisədə 584.8 mln. dollar və ya 31.9% artım deməkdir.
