Azərbaycan Mərkəzi Bankında Dövlət Neft Fondu 2021-ci ilin iyul ayı ərzində 8 valyuta hərracı keçirib.
Bu barədə Banker.az bildirir.
Açıqlanmış nəticələrə görə 8 valyuta hərracında yerli banklara 461.5 mln. dollar həcmində xarici valyuta satılıb. Bu isə son bir ayda 0.45% azalma deməkdir.
İlin ilk 7 ayı ərzində isə ARDNF tərəfindən 3 mlrd. 230.62 mln. dollar xarici valyuta manatın məzənnəsinin qorunması üçün bazara çıxarılıb. Cari ilin yanvar-iyul aylarındakı banklara satılan valyutanın həcmi öncəki ilin eyni dövrü ilə müqayisədə 1 mlrd. 295.09 mln., yaxud 29% azalma deməkdir.
